НЭГ ЭРҮҮЛ МЭНД ХЭЛЭЛЦҮҮЛЭГ ЗОХИОН БАЙГУУЛАГДАЖ БАЙНА.

2022/12/14

share

НЭГ ЭРҮҮЛ МЭНД ХЭЛЭЛЦҮҮЛЭГ ЗОХИОН БАЙГУУЛАГДАЖ БАЙНА.

Хүнс, хөдөө аж ахуй, хөнгөн үйлдвэрийн яам, Эрүүл мэндийн яам, Байгаль орчин, аялал жуулчлалын яам, Мал эмнэлгийн ерөнхий газар, Зоонозын өвчин судлалын үндэсний төв хамтран хүн, мал, амьтны эрүүл мэндийг хамгаалах “НЭГ ЭРҮҮЛ МЭНД” бодлогын үнэлгээний салбар хоорондын үндэсний хэлэлцүүлгийг Дэлхийн Эрүүл Мэндийн Байгууллага, Дэлхийн Мал Амьтны Эрүүл Мэндийн Байгууллага, НҮБ-ын Хүнс, Хөдөө Аж Ахуйн Байгууллагын дэмжлэгтэйгээр 2022 оны 06 дугаар сарын 15-17-ны өдрүүдэд зохион байгуулан ажиллаж байна.

Хэлэлцүүлэгт эрүүл мэнд, малын эмнэлэг, байгаль орчны салбарын олон улсын, үндэсний, орон нутгийн төрийн болон төрийн бус байгууллагын 120 гаруй төлөөлөгч оролцож байна.

Хэлэлцүүлэг 3 өдрийн турш оролцоонд тулгуурласан хэлбэрээр зохион байгуулагдах бөгөөд хэлэлцүүлгийн үр дүнд “НЭГ ЭРҮҮЛ МЭНД”-ийн чиглэлээр Монгол улсад цаашид авч хэрэгжүүлэх арга хэмжээний чиглэл, салбар хоорондын хамтарсан төлөвлөгөөг гаргах юмаа.

Энэхүү хэлэлцүүлэг нь Номхон Далайн Баруун Бүсийн улс орнуудын дундаас Монгол улсад анх удаа зохион байгуулагдаж байна.

Линк: https://nczd.gov.mn/?p=17571

#OneHealth #WHO #FAO #OEI #MOH #MET #GAVS #WOAH #FAO #WorldBank #LCP #NCZD