Дэлхийн банкны Ахлах эдийн засагч, Төслийн хэрэгжилтэд дэмжлэг үзүүлэх багийн ахлагч Ситарамачандра Мачиражу (Sitaramachandra Machiraju), Малын вакцины үйлдвэрлэлийн эксперт, ДМАЭМБ-ын Шинжлэх ухааны зөвлөлийн гишүүн Баптистэ Дунгу (Baptisite Dungu), Дэлхийн банкны Мал аж ахуйн асуудал хариуцсан мэргэжилтэн Дай Морита (Dai Morita), Дэлхийн банкны Малын эрүүл мэндийн зөвлөх Жон Вийвэр (John Weaver) нарын бүрэлдэхүүнтэй баг УМЭАЦТЛ, Биокомбинат ТӨХХК-д зочилж уулзалт зохион байгуулсны зэрэгцээгээр малын эмийн үйлдвэрлэл, ханган нийлүүлэлт, худалдаа эрхлэгчдийн төлөөлөлтэй зөвлөлдөх уулзалт зохион байгуулсан байна. Тэд 2024 оны 05 дугаар сарын 10-ны өдөр МЭЕГ-ийн дарга, Ерөнхий малын эмч А.Нарантуяатай уулзаж малын халдварт өвчний өнөөгийн нөхцөл байдал, малын вакцины өнөөгийн болон цаашдын эрэлт хэрэгцээ, вакцинжуулалтын талаар баримталж байгаа бодлого, стратегийн талаар санал солилцлоо. Энэхүү уулзалтад МЭЭСБУЛ-ын захирал С.Тэсхуяг, Дэлхийн банкны Монгол Улс дахь Суурин төлөөлөгчийн газрын Эдийн засагч Ц.Ванчин оролцов.