Дэлхийн нэг эрүүл мэндийн 8 дугаар их хурал Өмнөд Африкийн Бүгд Найрамдах Улс (ӨАБНУ)-д 2024 оны 9 дүгээр сарын 20-23-ны өдрүүдэд болж өнгөрлөө.

Монгол Улсаас УМЭАЦТЛ-ийн захирал Ө.Гэрэлмаа лабораторийн гоц халдварт болон зооноз өвчний оношилгооны өнөөгийн чадамж, эрт оношилгоонд суурилсан хариу арга хэмжээний ололт амжилт, олон улсын байгууллагуудын тусламж дэмжлэгийн талаар илтгэл (цахим) тавьж оролцлоо.

Хурлын зорилго нь нэг эрүүл мэндийн хүрээнд улс орнуудын бүхий л салбар хооронд тулгарч буй асуудлуудыг нэг дор сонсох, дэлхийн нэг эрүүл мэндийн шинжлэх ухаан, бодлогын талаарх хэлэлцүүлгийг өрнүүлсэн байна.

Африк тивд анх удаа зохион байгуулж буй энэхүү томоохон хэмжээний хуралд нийт 87 орны 1400 гаруй оролцогчид оролцсон ба 70 хуралдаанд 400 илтгэл, 600 гаруй шинжлэх ухааны постер танилцуулагдлаа.